Golden Eagle Ylli ka mundur Rahovecin 66:87 (12:21, 21:18, 7:19, 26:29), duke kaluar në finale të Kupës së Kosovës.
Therandasit e nisën ndeshjen më mirë, duke qenë bindshëm më të mirë në çerekun e parë, duke e fituar këtë pjesë 12:21, njofton Klan Kosova.
Vreshtarët u kundërpërgjigjen menjëherë në periudhën e dytë, ku arritën të kalojnë në epërsi 30:29, sidoqoftë, Ylli arriti që në pushim të shkojë me epërsi 33:39.
Ylli e nisi shumë më mirë pjesën e dytë, përkatësisht periodën e tretë, ku me kalimin e minutave thelloi epërsinë në 40:58. Aq sa ishte rezultati në semafor pas 30 minutash. Në 10 minutat e fundit, Rahoveci dha maksimumin për tu rikthyer, megjithatë, therandasit arritën të ruajnë epërsinë dhe triumfojnë në fund 66:87.
Te Rahoveci u dalluan Isaiah Traylor me 14 pikë dhe Marvin Jones me 11, kurse te Golden Eagle Ylli u dalluan Erjon Kastrati me 19 pikë e tetë kërcime, Valon Bunjaku me 24 pikë dhe Demetris Morant me 12 pikë e 14 kërcime.
Golden Eagle Ylli në finale do të ndeshet me fituesin e ndeshjes Ponte Prizreni-Sigal Prishtina, që fillon nga ora 19:00.
klankosova.tv
●●●
HSHKRIMI NGA
H.S
Editorial nga Klan Kosova — ndjek sport dhe zhvillimet e tjera kryesore të vendit.
