Ylli mposht Pejën për vetëm një pikë (FOTO)

Kampioni i Kosovës në fuqi, Golden Eagle Ylli, ka arritur që ta fitojë ndeshjen e mbetur të xhiros së 10-të, ndaj liderit të Prince Caffe Superligës së Kosovës në basketboll, Pejës. Fituesi i këtij takimi u vendos kur në semafor nuk kishte mbetur as edhe një sekond i vetëm, me dy gjuajtjet e lira të Valon Bunjakut, ndaj të cilit u shkaktua gabim personal. Vendasit e nisën mirë ndeshjen në dy çerekët fillestar, duke e mbyllur pjesën e parë me rezultat 37-31 në favor të tyre. Megjithatë, Peja arriti të rikthehet fuqishëm në çerekun e tretë, duke e fituar atë 16-9. Drama e arriti kulmin në 40 sekondat e fundit, kur vendasit ishin 4 pikë në epërsi, 56-52. Fillimisht Peja arrin ta vjedh topin dhe të shënojë për ta ngushtuar rezultatin, kurse menjëherë më pas, Bashir Ahmed ngelet pa e rikthyer topin në lojë, duke bërë që posedimi t'i takoj Pejës. Këta të fundit me 3 pikëshin e Umipig , marrin epërsinë prej gjysëm koshi, 16 sekonda pa përfunduar takimi. Në aksionin e radhës, basketbollisti i kampionit aktual, Valon Bunjaku, ndalet me faull, duke i konkretizuar dy gjuajtjen e lira, për ta fituar ndeshjën 58-57 Në fillim të kësaj ndeshje, tifozët e Yllit, Xhebrailat, shpalosën një koreografi gjigante, duke paraqitur elemente historike të qytetit të Suharekës, si Kulla e heroit Ramë Bllaca, portreti i heroit tjetër, Besim Ndreca, sikurse edhe elemete të tjera përfaqësuese, duke përfshirë Muzeun e qytetit, Bodrumin e verës e Palestrën "13 Qershori".