Ylli i PSG-së, Hakimi po hetohet për përdhunim - mund të dënohet me 15 vjet burg

Ylli i PSG-së, Achraf Hakimi, thuhet se po përballet me gjyq për përdhunim, pasi dyshohet se ftoi një grua në shtëpinë e tij pranë Parisit. Prokurorët francezë kanë nënshkruar një aktakuzë përfundimtare duke kërkuar që 26-vjeçari të akuzohet në gjykatën penale, shkruan The Sun, transmeton Klankosova.tv Të premten, një zëdhënës i prokurorëve të Nanterre konfirmoi se ata kishin “kërkuar që gjyqtari hetues” ta referonte çështjen Hakimi në një gjykim penal. Kjo vjen pasi ai u akuzua për përdhunim më 3 mars 2023 dhe u lirua me kusht nën mbikëqyrjen e policisë. Nëse dënohet, shtetasi maroken përballet me deri në 15 vjet burg. Rasti rrjedh nga një incident i dyshuar më 25 shkurt 2023. Gjatë gjithë hetimit, Hakimi ka pohuar se akuzuesja e tij, e cila ishte 23 vjeç në kohën e sulmit të dyshuar  po përpiqej t’i merrte miliona dollarë. Ekipi i tij ligjor e përshkroi padinë si "përpjekje për shantazh", ndërsa Hakimi ka ngritur një kundërpadi. /Klankosova.tv