Yakin për zgjedhjen e Avdullahut: E kuptoj situatën, është i ri dhe ka nevojë të luajë

Trajneri i kombëtares së Zvicrës, Murat Yakin, ka folur për zgjedhjen e Leon Avdullahut që ta përfaqësojë Kosovën dhe jo Zvicrën. Yakin tha se e kupton situatën në të cilën ndodhet Avdullahu dhe se në fund është vendim i qartë për të. “E kuptoj situatën në të cilën ndodhet dhe e kuptoj atë shumë mirë. Kam qenë në të njëjtën situatë 25-30 vite më parë. Por kemi shumë lojtarë në qendër dhe ai është i ri dhe i duhet të lua”j. “Në fund, është vendim i qartë për të. Kjo është pjesë e lojës dhe të gjithë e respektojmë këtë”, tha Yakin në një intervistë me gazetarin dhe drejtorit e sportit në Artmotion, Arlind Sadikun. Ai foli edhe për numrin e tifozëve që nesër pritet të jenë në stadium kundër Zvicrës, e të cilët pritet të jenë më në numër sesa ata të Zvicrës. “Kjo është fantastike. Prandaj ne e kemi pritur që një kohë të gjatë këtë ndeshje. Ndeshja jonë e fundit në shtëpi ka qenë para 1 viti”, tha ai./Klankosova.tv. https://www.youtube.com/watch?v=a65gWrMZ2-Q