Kapiteni i Zvicrës Granit Xhaka, ka bërë një postim në Instagram me fotografi nga "Fadil Vokrri", ku nesër me fillim nga ora 20:45 do të zhvillohet ndeshja Kosovë-Zvicër.
Xhaka me anë të këtij postimi bëri me dije se është i gatshëm për lojë.
“I fokusuar. Falënderues. I gatshëm për ndeshjen e nesërme”, ka shkruar ai.
"Dardanët" kanë arritur ta sigurojnë "playoff-in" e kualifikimeve për Kampionatin Botëror 2026, që mbahet në ShBA, Kanada dhe Meksikë.
Ndeshjen e fundit, ekipi i Franco Fodas, fitoi ndaj Sllovenisë me rezultat 0:2.
Matematikisht, Kosova është në garë për t'u kualifikuar direkt, por i nevojitet një fitore prej 6:0 kundër "helvetikëve", çka shihet si tejet e pamundur përballë një kundërshtari të tillë.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
