Warriors mposhtin Nuggets: Barazojnë rekordin historik, 15 fitore radhazi (VIDEO)

Klay Thompson ka shënuar 21 pikë në fitoren e radhës duke siguruar kështu startin më të mirë të Golden State Warriors në histori të këtij klubi, por edhe në histori të NBA-së në përgjithësi, me 15 fitore rresht, pa pësuar asnjë humbje, njofton Klan Kosova. Fitoren e fundit luftëtarët e shënuan kundër Denver Nuggets duke i mposhtur me rezultat 118 – 105, të dielën mbrëma. Golden State me këtë start kanë barazuar rekordet e Washington Capitols në sezonin 1948-49 dhe atë të Huston Rockets në 93-94. Por, Warriors mund ta thyejnë këtë rekord të martën kur do të ndeshen në shtëpi me Los Angeles Lakers. “Ekziston një besim i madh mes nesh se nuk e kemi ndërmend të humbim, jo tani”, ka thënë Stephan Curry. “Madje mënyra siç po luajmë tregon se mund të përmirësohemi edhe më shumë”. Fjalët e Curryt tregojnë se ta frikshëm janë sivjet Warriors të cilat me këtë arritje kanë kaluar rekrodin e Boston Celtics të sezonit 57-58, për më së shumti fitore të një ekipi që e fillon sezonin si kampion. “Është një arritje e madhe”, thotë Curry për startin e tyre të fuqishëm. “Natyrisht, të jesh kampion dhe të fillosh sezonin tjetër duke fituar 15 ndeshje radhazi – s’kemi çfarë kërkojmë më shumë se kaq”. Edhe më mirë mund të bëhet të martën, kur Warriors do të mund ta thyejnë rekordin në ndeshjen kundër Lakers dhe të bëhen ekipi i parë në histori të NBA-së që ka shënuar në start të kampionatit 16 fitore radhazi, pa asnjë të vetmen humbje. “Do të ishte një moment historik”, tha Thompson. “Kjo tregon se sa e veçantë kjo skuadër mund të jetë”.

klanksoova.tv

https://www.youtube.com/watch?v=H3F2s9Q7D9Q