Volejbollistët e Kosovës bëhen gati për lojën me Sllovakinë

Pas ndeshjes kundër Letonisë, Kombëtarja e djemve në Volejboll ka vazhduar përgatitjet në palestrën Imperium, afër Prishtinës. Në njoftimin e Federatës së Volejbollit të Kosovës thuhet se grumbullimi ka vijuar me intensitet, dhe skuadra tashmë e ka përfunduar fazën e rigjenerimit, duke e kthyer të gjithë fokusin te ndeshja e radhës kundër Sllovakisë. "Trajneri sllovak i Kombëtares së Kosovës, Martin Nemec, është një njohës i mirë i mentalitetit dhe stilit të lojës së kundërshtarit tonë të radhës, Sllovakisë, prej nga ai e ka origjinën". "Me përgatitjen dhe njohuritë e tij, skuadra është e vendosur të paraqitet me performancën më të mirë në këtë përballje të rëndësishme. Ndeshja Sllovaki - Kosovë do të zhvillohet më 28 gusht 2024 në qytetin Nitra", thuhet në njoftim. /Klankosova.tv