Trajneri kosovar, Edon Ibrahimi ka ndarë rrugët me KV Fer Volley për të nënshkruar me klubin e volejbollit nga Hungaria, Veszpremi Egyetemi Sport Club, që bën gara në ligën e parë në volejbollin hungarez.
Ibrahimi ka nënshkruar kontratë njëvjeçare me këtë ekip, pas një sezoni relativisht të suksesshëm me Fer Volley, ku arriti të fitojë Kupën e Federatës, siguroi finalen e Kupës së Kosovës, si dhe ishte finalist i playoffit në Superligën e Kosovës, njofton Klan Kosova.
Ai gjithashtu shkroi historinë në volejbollin kosovar, duke i siguruar Kombëtares së Kosovës medaljen e argjendtë në Kampionatin Ballkanik për senior në Beach Volley, teksa udhëhoqi dyshen Dhuratë Sylejmani/Valmira Ramadani drejt këtij suksesi.
Ibrahimi është gjithashtu trajner i Kombëtares U17, femrat. FVK uron Ibrahimin në aventurën e re dhe i dëshiron suksese të mëtutjeshme në karrierë.
klankosova.tv
●●●
HSHKRIMI NGA
H.S
Editorial nga Klan Kosova — ndjek sport dhe zhvillimet e tjera kryesore të vendit.
