Como ka arritur fitore të madhe 2:0 përballë Juventusit në takimin e vlefshëm për xhiron e shtatë në Serie A.
Startues dhe i plotë në formacionin e Comos ishte reprezentuesi i Kosovës, Mërgim Vojvoda duke iu afruar edhe golit.
Skuadra e Fabregas kaloi herët në epërsi në minutën e katërt me golin e mbrojtësit gjerman Oliver Kempf. Në vijim të ndeshjes Juventusi pati disa raste por "Zonja e Vjetër" nuk i shfrytëzoi mundësitë.
Golin e sigurisë për Comon e shënoi ylli argjentinas Nico Paz në minutën e 79-të.
Como me këtë fitore barazon pikët me Juventusin, me të dyja skuadrat që kanë nga 12 pikë në pozitat 5 dhe 6.
Te Juve, Edon Zhegrova nuk ishte i ftuar për këtë ndeshje për shkak të një lëndimi.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
