Viktimat thonë se u sulmuan nga tre persona që kishin vetura me targa të huaja

Të shtunën në fshatin Trudë të Prishtinës disa persona janë përfshirë në një rrahje. “Është raportuar se në hyrje të autostradës te rrethi janë përfshi në rrahje disa persona. Njësitë policore kanë dalë në vendin e ngjarjes  ku kanë takuar pesë  viktima meshkuj kosovar të lënduar të cilët kishin qenë me dy automjete me targa vendore”, thuhet në njoftimin e Policisë së Kosovës. “Viktimave në vendin e ngjarjes ju ka ofruar ndihma mjekësore, ndërsa katër prej tyre janë dërguar në QKUK dhe mbeten për tretman mjekësor”. Viktimat kanë pohuar se pas një mosmarrëveshjeje në trafik ata ishin sulmuar nga tre të dyshuar me targa të huja. “Sipas viktimave pas një mosmarrëveshje në trafik ishin sulmuar fizikisht nga tre persona të dyshuar të cilët kishin qenë me dy vetura me targa të huaja dhe pas sulmit  të dyshuarit ishin larguar nga vendi i ngjarjes”. “Në vendin e ngjarjes janë gjete dhe sekuestruar një thikë dhe një vegël pune të cilat dyshohet se ishin përdorë në rast. Rasti vazhdon të hetohet”.