Vikend i magjishëm futbollistik në Artmotion, spikat "El Clasico"

Kulminacioni i futbollit ndërkombëtar, arrihet çdo herë kur radha është për derbin e skuadrave spanjolle. Rivaliteti ndërmjet Barcelonës dhe Real Madridit shkon përtej çdo limiti, pasi këto dy klube të mëdha, kanë tifozë në të katër anët e botës. Beteja e radhës e cila edhe mund ta vendos titullin kampion në Spanjë, ekskluzivisht shfaqet drejtpërdrejt në platformën kryesore shqiptare, ArtMotion, përmes kanalit Sport 1, raporton Klankosova.tv. Të dielen me fillim në orën 16:15, magjia e "El Clasicos" transmetohet drejtpërdrejt me komentim të Andin Lokajt. Në po të njejtën ditë, titulli i më të mirit mund të merr formë edhe në Serie A. Napoli i kapitenit të kombëtares së Kosovës, Amir Rrahmanit, synon 3 pikët e radhës në duel me Genoan, duke shpresuar edhe për ndonjë gabim të Interit në udhëtim te Torino, njofton Klankosova.tv. "Zi-kaltërit" luajtën 120 minuta të stër-ngarkuara në mesjavë ndaj Barcelonës në Ligën e Kampionëve, andaj napolitanët shpresojnë se kundërshtari i tyre direkt për trofeun e kampionatit, mund të jetë i lodhur. Torino - Inter fillon në orën 18:00 dhe transmetohet në Sport 2, me komentim të Lirim Pecit, kurse në 20:45, Andin Lokaj komenton edhe sfidën e Napolit. Pos këtyre ballafaqimeve, kjo javë është e mbushur me duele të tjera të forta të të dyja këto kampionate. [caption id="attachment_2570861" align="alignnone" width="2000"] Kampionati elitar i futbollit spanjoll, transmetohet ekskluzivisht në ArtMotion![/caption] [caption id="attachment_2570863" align="alignnone" width="2000"] Kampionati kryesor i Italisë, Serie A, transmetohet ekskluzivisht në ArtMotion![/caption]