Vettel fituesi i Çmimit të Madh të Brazilit

Sebastian Vettel është fituesi i Çmimit të Madh të Brazilit në garën e parafundit të Botërorit të Formulës 1. Fitore jo fortë e rëndësishme kjo për gjermanin pasi Louis Hamiltonin tashëm ka siguruar pikët për t’u shpallur kampion për pilotë dhe Mercedesi kampion për skadra. Gjermani i Ferrarit u nis nga vendi i dytë, por arriti të parakalonte finlandezin Bottas të Mercedesit që në kthesën e parë, ndërsa në vendin më të ulët të podiumit u ngjit ferraristi tjetër, Raikkonen, edhe pse këtij të fundit iu desh të vuante shumë në xhirot e fundit pas presionit të vazhdueshëm të britanikut Hamilton. Ishte pikërisht ky i fundit, katër herë kampion bote, që i dha tonin kësaj gare, pasi u nis nga bokset për të përfunduar pikërisht në vendin e katërt të Çmimit të Madh të Brazilit, rikuperim i jashtëzakonshëm vendesh, edhe pse nuk luftonte për asgjë. Në Brazil ishte edhe një tjetër protagonist në hije, braziliani Felipe Massa, i cili ka njoftuar tërheqjen përfundimtare nga F1. Tashmë Formula 1 i drejtohet garës së fundit të Abu Dhabit, që do të zhvillohet fundjavën e 26 nëntorit.

klankosova.tv