Diana Kennedy, një shkrimtare britanike e ushqimit, e cila u bë një autoritet kryesor në kuzhinën meksikane derisa udhëtonte në të gjithë vendin për të njohur receta, ka vdekur si pasojë e problemeve me frymëmarrje në moshën 99-vjeçare.
E lindur më 3 mars të vitit 1923 në Essex, Diana Kennedy, emri i vajzërisë së së cilës ishte Southwood, thoshte se ishte rritur duke ngrënë atë që ajo e quante "ushqim i mirë, ushqim i plotë" në Angli.
Por ajo për të cilën ajo u bë e famshme nuk ishte ushqimi i vendit të saj, por ai i shtëpisë së dytë, Meksikës.
Ajo u transferua për herë të parë në Meksikë kur ishte në të 30-at për t'u bashkuar me Paul Kennedy, i cili ishte korrespondent i New York Times në Meksikë dhe Amerikën Qendrore.
Ajo ishte takuar me Paul Kennedyn në vitin 1956 në Haiti, ku kishte udhëtuar me dëshirë nga Kanadaja.
Paul Kennedy ishte aty për të mbuluar protestat antiqeveritare që kishin shpërthyer. Të dy ranë në dashuri dhe pak më vonë ajo vendosi të merrte një hap dhe ta takonte atë në Mexico City, ku ai ishte vendosur.
Ajo me gazetarin u martua dhe qëndruan në Meksikë. Shkrimtarja eksploronte ushqimin tradicional meksikan në tërë vendin.
Në librat e saj, ajo përmendte rregullisht me emra ata që e kishin mësuar të përgatiste pjatat që paraqiste në librat e saj. Ndër librat e saj më të njohur është Oaxaca Al Gusto: an Infinite Gastronomy.
●●●
LGSHKRIMI NGA
L. Ga.
Editorial nga Klan Kosova — ndjek kulturë dhe zhvillimet e tjera kryesore të vendit.
