Vdes në moshën 68-vjeçare, basisti i Sly and Robbie, Robbie Shakespeare

Artisti reggae xhamajkan, Robbie Shakespeare, ka vdekur në moshën 68-vjeçare. Ai vdiq në Florida, ku kohët e fundit kishte qenë në spital për operacion në veshka. Basisti dhe producenti i muzikës vlerësohet me revolucionarizimin e tingullit të muzikës reggae, shkruan BBC, transmeton Klankosova.tv. Ministrja e Kulturës e Xhamajkës, Olivia Grange njoftoi vdekjen e tij dhe tha se Shakespeare ishte një nga muzikantët më të mëdhenj të vendit. “Sly and Robbie e çuan basin dhe baterinë në nivelin më të lartë pasi bënë muzikë për veten e tyre si grup, dhe për shumë artistë të tjerë vendas dhe ndërkombëtarë”, tha ajo. Përgjatë një karriere që përfshin pothuajse 50 vjet, Shekspiri bashkëpunoi me artistë të ndryshëm si Madonna, Bob Dylan, No Doubt, Peter Tosh, Rolling Stones dhe Grace Jones. I lindur në kryeqytetin e Xhamajkës, Kingston në vitin 1953, ai mësoi të luante bas nën drejtimin e Aston Barrett të The Wailers, pasi u takuan në oborrin e shtëpisë së tij. Ndryshe, Shakespeare u nominua për 13 çmime Grammy dhe fitoi dy në vitin 1984 për regjistrimin më të mirë reggae për Himnin, dhe më pas në vitin 1998 për albumin më të mirë reggae.