Vdes Mathias Acuna, u gjet pa shenja jete në një hotel në Ambato

Sulmuesi i skuadrës ekuadoriane Mushuc Runa, Mathias Acuna, është gjetur i vdekur në një hotel në Ambato të Ekuadorit. Ngjarja ndodhi vetëm një ditë pasi ai arriti aty nga vendlindja e tij, Uruguai, transmeton klankosova.tv. Autoritetet lokale kanë nisur hetimet për të sqaruar rrethanat e vdekjes, ndërsa raportimet paraprake sugjerojnë se mund të ketë qenë një vetëvrasje. Siç raportojnë mediat ndërkombëtare, Acuna, i cili iu bashkua Mushuc Runas në vitin 2023, ishte një lojtar kyç për skuadrën në LigaPro dhe një figurë e respektuar në futbollin uruguaian. Klubi ka shprehur ngushëllimet e tij të thella për familjen e lojtarit.