Vdes japonezja në moshën 116-vjeçare, ishte personi më i vjetër në botë

Një grua japoneze, e njohur si personi më i vjetër në botë nga Guinness Ëorld Records, ka vdekur në moshën 116-vjeçare. Tomiko Itooka vdiq në një shtëpi pleqsh në qytetin e Ashiya, prefektura Hyogo, sipas zyrtarëve. Ajo u bë personi më i vjetër në botë pasi Maria Branyas Morera e Spanjës vdiq në gusht të vitit 2024 në moshën 117-vjeçare. “Zonja Itooka na dha kurajo dhe shpresë gjatë jetës së saj të gjatë”, tha në një deklaratë kryebashkiaku 27-vjeçar i Ashiya, Ryosuke Takashima. Itooka lindi në maj 1908 – gjashtë vjet para Luftës së Parë Botërore dhe të njëjtin vit kur makina Ford Model T u lançua në ShBA. Ajo u bë si personi më i vjetër në botë në shtator 2024 dhe iu dha certifikata zyrtare GËR në Ditën e Respektit për të Moshuarit, e cila është një festë publike japoneze që festohet çdo vit për të nderuar qytetarët e moshuar të vendit. Që nga shtatori, Japonia numëronte më shumë se 95,000 njerëz që ishin 100 vjeç e lart - 88% e të cilëve ishin gra. Nga 124 milionë banorët e vendit, gati një e treta janë 65 vjeç ose më të vjetër. Murgesha braziliane Inah Canabarro Lucas, e cila lindi 16 ditë pas Itooka dhe është 116 vjeç, tani besohet të jetë personi më i vjetër në botë, shkruan BBC, transmeton Klankosova.tv.