Ka vdekur edhe shqiptari i pestë, i cili mori lëndime të rënda si pasojë e një aksidenti në një kantier ndërtimi, që ndodhi në Hafer City në Hamburg të Gjermanisë.
Bëhet fjalë për 33-vjeçarin Alfred Visha, i cili është baba i tre fëmijëve.
Ai vdiq mbrëmë në spital, ku po qëndronte prej 10 ditësh, duke u trajtuar si pasojë e plagëve të rënda.
Visha nuk arriti t'ju bënte ballë plagëve.
Lajmi është konfirmuar nga daja i tij, Luan Cemenja, raportojnë mediat shqiptare përcjell Klankosova.tv
Aksidenti i rëndë ndodhi më 30 tetor, ku përpos 33-vjeçarit Visha, vdiqën edhe katër shqiptarë të tjerë.
Raportohet se në kantierin e ndërtimit ku punonin shqiptarët, ishte shembur skelja.
Lidhur me rastin ka raportuar edhe Klankosova.tv
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
