Vdes aktori amerikan që ishte i njohur më rolin, Gunther në serinë “Friends” (VIDEO)

Aktori amerikan, James Michael Tyler, ka vdekur në moshën 59-vjeçare, të dielën në mëngjes. Ai njihet më së shumti për rolin e tij, Gunther në serinë e njohur amerikane, Friends. Menaxheri i tij në një deklaratë ka thënë se ai ka vdekur në shtëpinë e tij në Los Anxhelos. “Nëse e keni qëndruar një here me të, e keni fituar një shok për tërë jetën”. Ai ka lënë pas gruan e tij, Jennifer Carno, dashuria e jetës së tij", thuhet në deklaratën e menaxherit të tij. Tyler ishte diagnostikuar me kancer të prostatës në vitin 2018, i cili më vonë iu kishte përhapur edhe në kockat e tij. Roli i tij i famshëm, Gunther në Friends ishte një kamarier dhe menaxher i kafesë, “Central Perk”. Ai ishte i dashuruar në Rachel, rol ky që luhet nga aktorja e njohur, Jennifer Aniston. Ai kishte luajtur edhe në dy filma të tjerë të metrazhit të shkurtë, The Gesture and the Word dhe  Processing, po ashtu ka fituar edhe çmime si aktori më i mirë në festival të ndryshme. Këtu më poshtë keni disa skena të aktrimit të tij në serialin Friends: https://www.youtube.com/watch?v=IGwoNJUaBrU https://www.youtube.com/watch?v=GEt8Evrkpks