Vashat e Kosovës në hendboll mposhten thellë nga Franca për Euro 2026

Kombëtarja e Kosovës në hendboll është mposhtur thellë nga ajo e Francës në ndeshjen e fundit në shtëpi në fazën e fundit kualifikuese për Euro 2026. Siç shkruan Federata Evropiane e Hendbollit, Kosova, e cila ndonëse e vetmja pa asnjë pikë në këto kualifikime, e nisi ndeshjen me përkushtim kundër favoritëve në Prishtinë. Për 15 minutat e parë, hendbollistet e Kosovës i qëndruan afër me pikë atyre të Francës, por një katër-golësh nga Kiara Tshimanga i dha Francës epërsi të dukshme 21:10 në pjesën e parë. Kryetrajneri i Francës, Sebastien Gardillou, e ndryshoi skuadrën e tij në pjesë të dytë, duke u dhënë të gjitha lojtareve kohë të vlefshme – dhe të gjitha shënuan. Lea Fargues dhe Floriane Andre bënë nga shtatë pritje, duke i mundësuar Francës të dominojë dhe të sigurojë një fitore domethënëse. Yllka Shatri tha se Kosova po kalon në një tranzicion gjeneratash dhe, duke e pasur parasysh këtë, vajzat bënë një lojë të mirë. “Luajtëm mirë kundër një France me shumë cilësi dhe fituam përvojë të vlefshme. Lojtaret ndoqën udhëzimet e trajnerit dhe punuan mirë së bashku, gjë që është shumë e rëndësishme”, tha Shatri. Kosova mbyll kualifikimet të dielën me ndeshjen ndaj Kroacisë në Zagreb. /Klankosova.tv