Vajza s’mund të lind fëmijë, nëna e saj mbetet shtatzënë për të

E lodhur por  lumtur pasi ka lindur, 48 vjeçarja Megan Barker,  ka dhënë jetë një djali me emrin Gus. Ajo është më e vjetër se shumica e nënave në klinikën e maternitetit në Chico të Kalifornisë. Mirëpo ka dicka edhe më unike për situatën e Megan’it: Gus nuk është djali i saj, ai është nipi. Vajza e Megan, Maddie, ishte vetëm 14 vjeçare kur e kishte kuptuar se vuante nga një sëmundje në mitër dhe se ajo s’mund të bënte fëmijë, shkruan Daily Mail, transmeton Klan Kosova. Por nëna i kishte premtuar se do t’ia mbante fëmijët kur ajo do të donte të niste një familje. Dhe tani 10-të vjet më vonë, Megan e ka lindur fëmijën e parë të Maddie’t, me burrin e saj Tyler Coleman përmes fekondimit artificial.