Lajmet e fundit
Ushtria izraelite thotë se dy ushtarë janë vrarë në një sulm me armë zjarri në Bregun Perëndimor të pushtuar, ndërsa forcat e saj vazhdojnë një operacion të madh kundër grupeve të armatosura palestineze në veri të territorit.
Tetë ushtarë të tjerë u plagosën kur një person i armatosur palestinez hapi zjarr në një pikë kontrolli në fshatin Tayasir, thanë ushtria në një deklaratë. Sulmuesi u qëllua për vdekje, u shtua ndër tjera.
Hamasi dhe Xhihadi Islamik Palestinez vlerësuan sulmin si një përgjigje ndaj operacionit izraelit në Tubas, Jenin dhe Tulkarm, por asnjëri nuk tha se qëndron pas tij.
Ndërkohë, një zyrtar i OKB-së paralajmëroi se situata në kampin e refugjatëve në Jenin po shkonte në një "drejtim katastrofik".
Kryeministri izraelit Benjamin Netanyahu njoftoi fillimin e një operacioni në shkallë të gjerë për të "mposhtur terrorizmin" në Jenin më 21 janar, tre ditë pas hyrjes në fuqi të armëpushimit në Rripin e Gazës. Operacioni u zgjerua në Tulkarm dhe Tubas javën e kaluar, shkruan BBC, transmeton Klankosova.tv.
