UNICEF thotë se të paktën 322 fëmijë raportohet të jenë vrarë që kur Izraeli nisi ofensivën në Gaza dy javë më parë.
UNICEF tha se të paktën 609 fëmijë të tjerë u plagosën gjatë së njëjtës periudhë.
“Armëpushimi në Gaza siguroi një litar shpëtimi dëshpërimisht të nevojshëm për fëmijët e Gazës dhe shpresë për një rrugë drejt rimëkëmbjes”, tha Drejtoresha Ekzekutive e Unicef, Catherine Russell.
"Por fëmijët janë zhytur përsëri në një cikël dhune vdekjeprurëse dhe privimi”, vijoi tutje ajo, transmeton Klankosova.tv
Izraeli nisi ofensivën ndaj Gazas më 18 mars, duke fajësuar Hamasin për refuzimin e një propozimi të ri të SHBA-së për të zgjatur armëpushimin dhe për të liruar 59 pengjet ende të mbajtur rob në Gaza. / Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
