UNDP nxit besueshmërinë ndëretnike me mbrojtjen e monumenteve kulturore (VIDEO)

Shqiptarë e serbë u bënë bashkë dhe shkuan ta vizitojnë kishën ortodokse në Kamenicë. Atyre u janë shpjeguar disa nga investimet që do të bëhen në të. Këta të rinj u njohën falë një projekti të UNDP-së dhe Bashkimit Evropian: "Ndërtimi i besimit përmes mbrojtjes kulturore në Kosovë" (Confidence Building through Cultural Protection in Kosovo). Nilgun Arif, menaxhere e projektit, tha se ky projekt do të implementohet edhe në  Ferizaj, Gjilan dhe Lipjan, me bindjen se  me këtë nismë do të rritet besueshmëria ndëretnike nëpërmjet mbrojtjes së monumenteve kulturore në Kosovë, njofton Klan Kosova. Ky grup vizitoi edhe xhaminë e Kamenicës, e cila po ashtu do të restaurohet. Kronikë nga Vullnet Krasniqi.