UEFA rrëzon ankesën e Benficas, Valverde i gatshëm për ndeshjen e radhës

UEFA ka vendosur të mos ndërmarrë asnjë veprim disiplinor ndaj Federico Valverde, duke rrëzuar zyrtarisht ankesën e bërë nga Benfica për incidentin me Dahl. Sipas raportimit të Fabrizio Romano, organi qeverisës i futbollit evropian ka vendosur të mos hapë procedurë disiplinore, çka do të thotë se mesfushori uruguaian do të jetë i disponueshëm për ndeshjen e radhës. Benfica kishte pretenduar në deklaratën zyrtare se ndërhyrja ishte për karton të kuq dhe se nuk u ndëshkua siç duhej gjatë ndeshjes, por UEFA nuk e ka konsideruar të nevojshëm një dënim pas shqyrtimit të rastit. Vendimi mbyll përfundimisht çështjen dhe i jep dritë jeshile Valverdes për të vazhduar normalisht pa asnjë pezullim. /Klankosova.tv