U zhdukë në vitin 2012, gjendet në xhungël

Një burrë nga Kanada i cili ishte i zhdukur për pesë vjet, është gjetur 10460 kilometra në xhunglën  e Amazonës. Anton Pilipa, i cili ishte nën trajtim për skizofreni, ka ecur në këmbë nëpër dy kontinente, pasi u zhduk nga shtëpia e tij në Vancouver në vitin 2012. Familja e tij kaloi vite të tëra duke kërkuar për të, por shpresat iu shuan pothuajse të gjitha deri në ditën kur morën një telefonatë, transmeton Klan Kosova. Një police kishte vërejtur Pilipa, të cilin e kishte ngatërruar për lypës i cili ecte këmbë zbathur dhe nuk kishte ndonjë dokument identifikimi. Për fat, për shkak të ndihmës së ambasadave dhe agjencive, policia arriti që ta identifikojë dhe ta kthej atë në shtëpi. “Isha i tronditur. E kisha bindur veten që ai kishte vdekur, pasi vetëm ky ishte një shpjegim i sinqertë”. “Por brenda në shpirt, doja të besoja që ai ishte gjallë”, ka thënë vëllai i tij, Stefan. Ai më pas ka thënë se përgjatë gjithë këtyre e viteve ka pyetur veten se ku mund të jetë vëllai i tij. Anton, ka filluar sërish që të merr ilaçet për skizofreni dhe besohet që ai për pesë vjet ka ecur në këto vende: Kanadë, SHBA, Meksikë, Guatamala, Costa Rica, Panama, Kolumbia, Venezuela, Argjentina dhe Brazili – e të gjitha këto udhëtime ai i kreu pa asnjë dokument të identifikimit.