U rrëzua në fushë, mbrojtësi i Romës publikon foto nga spitali: Jam mirë

Ndeshja mes Udineses dhe Romës u ndërpre nga gjyqtari kryesor, pasi mbrojtësi i Romës Evan Ndicka, ra pa ndjenja në fushë. Futbollisti ishte në gjendje jo të mirë shëndetësore dhe ra pa ndjenja në fushë rreth minutës së 72-të. Ai u dërgua menjëherë në spitalin më të afërt dhe tashmë gjendja e tij është stabile. Roma e ka publikuar një foto në rrjetet sociale duke treguar gjendjen shëndetësore të lojtarit. “E gjithë skuadra e vizitoi Ndickan. Evan po ndihet më mirë dhe është në gjendje të mirë shpirtërore. Ai do të qëndrojë në spital për vëzhgime të mëtejshme”, shkruhet në njoftimin e klubit. Ndeshja u ndërpre nga gjyqtari dhe nuk dihet se kur do të vazhdojë. Rezultati i takimit ishte 1:1.

The squad went to visit Ndicka at the hospital. Evan is feeling better and is in good spirits. He will remain in the hospital for further observations. Forza Evan! ?#ASRoma pic.twitter.com/iHWueyJ6Ip

— AS Roma English (@ASRomaEN) April 14, 2024