U martua pa e njohur, i këkoi martesë përmes telefonit

Surabhi Surendra është 27 vjeçare dhe po jetonte në verilindje të Indisë kur babai i saj i tha që ta mbante telefonin hapur, sepse një burrë kishte në plan që ta telefononte. “Nuk kishte asnjë mënyrë që unë të mos e bëja atë se çfarë babai im më kërkoi e madje as ta pyesja më tepër”. Dy ditë më vonë, telefoni i saj cingërroi dhe u lajmërua një burrë por ajo nuk priste që ndonjë gjë të ndodhte në mes tyre, transmeton Klan Kosova. Por një javë më vonë, ai e telefonoi prapë atë dhe e patën një bisedë goxha relaksuese. Shumë shpejtë bisedat u shpeshtuan dhe e kuptuan që kishin komplet shije të ndryshme për filmat, muzikën dhe mënyrën se si e shohin jetën. “Ai mund të jetonte për pesë vjet me radhë pa qeshur asnjëherë, kurse unë jam pikërisht e kundërta e madje e qeshura ime shpeshherë më ka futur në probleme”. Por shumë shpejt ajo e kuptoi që të kundërtat tërhiqen. Një natë ai i tha asaj në telefon se dëshironte të martohej me të – dhe menjëherë të nesërmen ajo i tregoi babait të saj. Deri këtu çdo gjë mund të duket në rregull, por ekzistonte ende një fakt, që Surindra nuk e kishte parë kurrë të fejuarin e saj. Pavarësisht nga shqetësimet që kishte, ajo kishte vendosur që të rrezikonte dhe gjërat u përmirësuan kur e pa një fotografi të tij. E ditën tjetër ai erdhi që ta takonte dhe Surindra është shprehur se u dashurua menjëherë pas tij. “Ishte i sjellshëm, i qetë dhe i mbushur me dashuri”. Ajo tani shprehet se është tërësisht e dashuruar dhe jetojnë sikurse në përralla.