Lajmet e fundit
Ditët e fundit është folur për Donald Trumpin dhe Vladimir Putinin që përgatiten të flasin me telefon, apo edhe të takohen personalisht, raporton Skynews, transmeton Klan Kosova.
Në fund të muajit të kaluar, zëdhënësi i Kremlinit, Dmitry Peskov, tha se Putini është gati për një telefonatë, megjithëse të premten hodhi poshtë sugjerimet se ata janë në prag të pajtimit për t'u takuar.
Por në një intervistë për New York Post, Trump tha se ka diskutuar në telefon me Putinin për fundin e luftës.
"Ai [Putini] dëshiron të shohë njerëzit të ndalojnë së vdekuri", tha Trump, duke shtuar se "më mirë të mos thotë" sa herë kanë folur të dy.
Trump i theksoi se "ka pasur gjithmonë një marrëdhënie të mirë me Putinin" dhe se ka një plan konkret për t'i dhënë fund luftës - megjithëse nuk dha detaje të mëtejshme.
“Shpresoj të jetë i shpejtë”, tha Trump. "Çdo ditë njerëzit po vdesin. Kjo luftë është kaq e keqe në Ukrainë. Unë dua t'i jap fund kësaj gjëje të mallkuar".
