Trepça rimerr kreun pas fitores me 16 pikë epërsi ndaj Prizrenit

Trepça e ka mposhtur Prizrenit me rezultat 79:95 në xhiron e 19-të të Superligës së Kosovës në basketboll. Çereku i parë, si rrallë herë përfundoi pa fitues, pasi të dyja skuadrat shënuan nga 24 pikë, teksa “Minatorët” u treguan më të suksesshëm në të dytin, duke e fituar atë me gjashtë pikë më shumë, 18:24. Mitrovicasit triumfuan edhe në çerekun e tretë, duke e fituar atë me rezultat 23:26, ndërsa prizrenasit nuk arritën që të bëjnë diçka më tepër. E, “Minatorët” veç sa e thelluan epërsinë, duke e fituar edhe 10-minutëshin e fundit me rezultat 14:21. Më i miri në parket te Prizreni ishte Johnson me 22 pikë të shënuara, tre topa të vjedhur e dy asistime, ndërsa te Trepça u dallua Kryeziu me 23 pikë të shënuara. Me këtë fitore, Trepça ka rimarrë kreun e tabelës me 32 pikë, një më shumë se Bashkimi që gjendet në vendin e dytë, ndërsa Prizreni gjendet në vendin e fundit me 21 pikë.