Trepça kërkon ta ruajë pozitën e saj në Superligë në duelin ndaj Istogut, ndeshja transmetohet në Artmotion!

Pas ndeshjes së parë të luajtur të hënën në palestrën “Adem Jashari”, tashmë seria e playoutit zhvendoset në “Minatori” aty ku skuadra e Trepçës kërkon edhe fitoren e radhës dhe zyrtarizimin si skuadër e elitës së basketbollit edhe për edicionin e ardhshëm. Përndryshe, ky duel mes tyre transmetohet drejtpërdrejt në Art Sport 1 të enjtën me fillim nga ora 17:00. Duelin e parë mes këtyre dy skuadrave e fituan mitrovicasit me rezultatin 99-70 andaj në këtë ndeshje të dytë skuadrës së Istogut që përfundoi humbëse edhe në finalen e Ligës së Parë do t’i duhet një mrekulli dhe një fitore prej +30 për tu inkuadruar në Superligë. Nga dueli i parë kemi vërejtur që lojtarët e huaj të Trepçës kanë qenë shumë të papërballueshëm për Istogasit, kjo pasi Butorac shënoi 42 pikë nga të cilat 8 treshe kurse Toutzaiarkis luajti me double-double prej 19 pikë dhe 18 kërcime. Për ta parë se a do të dominojnë përsëri Trepça apo këtë herë Istogu do të bëjë mrekullinë mjafton që të enjtën me fillim nga ora 17:00 të ndiçni kanalin Art Sport 1. Trepça, 5-shja e mundshme startuese: Zekiqi, Koshi, Hajrizi, Selmani, Toutzaiarkis Istogu, 5-shja e mundshme startuese: Juniku, Skrelja, Llapi, Pepaj, Shabani