Trepça fiton epikën në “Minatori”, një fitore larg mbrojtjes së titullit

Trepça e ka mundur Bashkimin 80:74 në “Minatori” duke e çuar në 3:1 epërsinë e serisë finalen në Playoff-in e Superligës së Kosovës. Kësisoj, Torcidat janë vetëm një fitore larg mbrojtjes së titullit kampion të Kosovës. Ndeshja ishte e paparashikueshme dhe me kthesa të mëdha, ku Trepça e nisi shumë mirë duke e marrë çerekun e parë 33:26. Mirëpo, në të dytin ata realizuan vetëm dy pikë, dhe Bashkimi iku në pjesën e parë me epërsinë 35:44. Arpaxhikët shkuan në 13 pikë epërsi, por të Gjelbrit hynë në një seri “brutale” prej 19:0, dhe eventualisht përmbyllën çerekun e tretë me avantazhin prej tre pikësh, 63:60. Në çerekun e katërt, mitrovicasit morën zemër edhe më shumë dhe aty edhe e vulosën fitoren që i afron së tepërmi drejt trofeut. Wendell Green i Bashkimit ishte në “zjarr” me 35 pikë, teksa më së shumti te vendësit pati Mike Myers, 21.