Trepça e “kristaltë” ndaj Prishtinës në ndeshjen e parë gjysmëfinale

Trepça e ka mposhtur bindshëm Prishtinën me rezultat 80:65  në ndeshjen e parë gjysmëfinale të Play-offit. Çereku i parë u takoi vendasve, të cilin e fituan veç me një pikë më tepër, 18:17, por që në të dytin nisi shkëlqimi i “Minatorëve”, duke e fituar atë me plot 12 pikë më tepër, 23:11. Seria pozitive vazhdoi edhe në periodën e tretë, ku mitrovicasit u treguan për gjashtë pikë më të mirë sesa prishtinasit, të cilën e fituan me rezultat 23:17, njofton Klankosova.tv. Ndërsa, 10-minutëshi i fundit u takoi “Plisave”, të cilin e fituan me rezultat 16:20, por që nuk ishte e mjaftueshme për ta arritur epërsinë të cilën e krijoi Trepça në tre çerekët paraprakë. Më I miri në parket te Trepça ishte Cotton, i cili realizoi 21 pikë, pesë kërcime e gjashtë asistime, ndërsa te Prishtina u dallua Clark me 19 pikë e tri asistime.