Tre të lënduar në një aksident trafiku në rrugën Mitrovicë-Prishtinë

Tre persona janë lënduar si pasojë e një aksidenti që ka ndodhur në rrugën nacionale Mitrovicë-Prishtinë, segmenti  rrugorë në hyrje të  Vushtrrisë. Rastin për Klankosova.tv e ka konfirmuar zëdhënësi i policisë për rajonin e Mitrovicës, Avni Zahiti, i cili tha se në aksident janë përfshirë tri vetura dhe të lënduarit janë dërguar në emergjencën e Spitalit të  Vushtrrisë. “Rreth orës 18:00, është  raportuar për një aksident trafiku me lëndime i shkaktuar në rrugën nacionale Mitrovicë-Prishtinë'  segmenti  rrugorë në hyrje të  Vushtrrisë”. “Në  aksident janë përfshirë  tri vetura, si pasojë  e aksidentit lëndime  kanë pësuar  tre persona të  cilët  janë  dërguar në emergjencën e Spitalit të  Vushtrrisë”, thuhet tutje në konfirmim.