Tre gra infektohen me HIV gjatë trajtimit në një qendër estetike në Nju Meksiko

Tri gra janë diagnostikuar me HIV gjatë trajtimit në një qendër estetike të palicencuar në Nju Meksiko. Këto besohet se janë rastet e para të regjistruara të personave të infektuar me këtë sëmundje përmes një procedure kozmetike. Siç shkruan The Sun, përcjell Klankosova.tv, dy gratë u diagnostikuan me HIV në një fazë të hershme, ndërsa tek gruaja e tretë ishte zhvilluar SIDA. Qendra e SHBA për Kontrollin dhe Parandalimin e Sëmundjeve (CDC) tha në raportin e saj të sëmundjeve dhe vdekshmërisë javën e kaluar se një i klinikës nga viti 2018 deri në 2023 zbuloi se kishte “përdorim të dukshëm të përsëritur të pajisjeve njëpërdorimshe”. Edhe pse dihet se HIV mund të transmetohet përmes gjakut të kontaminuar përmes injeksioneve josterile, raporti thotë se këto janë rastet e para të infeksioneve të mundshme gjatë shërbimeve kozmetike, sipas AP.