Trashëgimia e Ulay, ikonës së artit konceptual

Frank Uve Lajsipen, i njohur si Ulay, njëri ndër pionierët e performansit artistik, ka vdekur në moshën 76 vjeçare, në Lubjanë, pas një sëmundjeje të rëndë. Ai kishte eksperimentuar në sfera të ndryshme të artit vizual duke e përdorur polaroidin e tij të mirënjohur dhe duke insistuar në pjesëmarrjen e publikut gjatë performansave të tij, njofton Klan Kosova. Holandezi ishte partner shumëvjeçar intim dhe artistik i artistes së njohur Marina Abramovic, me të cilën kishin realizuar projekte të përbashkëta ku i sfidonin kufijtë e durueshmërisë njerëzore, prej vitit 1976 deri më 1988. Ulaj dhe Abramovic ishin ndarë në vitin 1988 mbas performansit në Murin Kinez, pasi i kishin kaluar më shumë se 2.500 kilometra duke ecur drejt njëri-tjetrit nga këndet e kundërta. Punën e tyre të përbashkët e kishin dokumentuar në veprat “Relations Works”. https://www.youtube.com/watch?v=zaso0j9x098 Sërish ishin takuar gjatë performansit të saj “The Artist is Present”, në Muzeun e Artit Modern (MoMA), në New York, kur Ulay ishte shfaqur në galeri dhe ishte ulur para saj në tavolinë. Marina Abramovicit i ishin mbushur sytë me lot. http://www.youtube.com/watch?v=OS0Tg0IjCp4&t=1m12s Ajo ka deklaruar për të: “Ai ishte i jashtëzakonshëm si artist dhe si qenie njerëzore”. Në vitin 2009, Ulay ishte zhvendosur nga Amsterdami në Lubjanë, ku edhe ka vdekur sot.     https://klankosova.tv/vdes-ulay-ikona-e-artit-te-performances/