Transmetimet e ndeshjeve të NBA në Artmotion startojnë të martën në mëngjes duke filluar nga ora 02:30 me ndeshjen Phoenix Suns – Dallas Mavericks. Dallasi i udhëhequr nga Luka Donçiq është në kërkim të fitores së parë pas 5 humbjeve rresht. Në shtatë ndeshjet e fundit në American Airlines Center, Mavericks kanë vetëm dy fitore ndërsa në pesë duelet tjera ka triumfuar Suns.
02:30 PHOENIX SUNS – DALLAS MAVERICKS ART SPORT 1
Përderisa Dallasi është në kërkim të fitores së parë në katër ndeshjet e fundit si vendas, Phoenix Suns ka si objektiv ta vazhdojë serinë pozitive të rezultateve. Aktualisht Suns është në pozitën e 6-të në Konferencën Perëndimore me 10 fitore e 8 humbje ndërsa ka dy ndeshje më pak të zhvilluara.
Nga ana tjetër, Mavericks nuk ka arritur fitore që nga 23 janari kur mposhti San Antonio Spurs me rezultat 122:117 duke pësuar 5 disfata rresht dhe kjo ka ndikuar që të bien në vendin e 13-të në konferencën perëndimore me 8 fitore e 12 humbje nga 20 ndeshje të zhvilluara.
Për këtë ballafaqim Phoenix nuk do ti ketë në dispozicion Cameron Payne, Dario Saric dhe Devin Booker kurse tek Dallas do të mungojë vetëm Maxi Kleber.
Phoenix Suns, 5-shja e mundshme startuese:
Chris Paul, Mikal Bridges, Cameron Johnson, Jae Croeder, Deandre Ayton
Dallas Mavericks, 5-shja e mundshme startuese:
Luka Doncic, Dorian Finney-Smith, Josh Richardson, Kristaps Porzingis, Willie Caulie-Stein.
A do ta arrijë Suns të triumfojë për hërë të dytë rresht ndaj Dallasit apo Mavericks do ta ndërprejë serinë e rezultateve negative, këtë do ta kuptojmë të martën duke filluar nga ora 02:30, ekskluzivisht në Art Sport 1.
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
