Tottenham Hotspur ka hyrë fuqishëm në garë për brazilianin Savinho, i cili aktualisht është pjesë e Manchester Cityt.
Sipas mediave angleze, londinezët kanë dorëzuar një ofertë që arrin shifrën e 100 milionë eurove (80 milionë fikse + 20 milionë bonuse).
21-vjeçari ka shkëlqyer në sezonin e fundit me paraqitjet e tij dhe shihet si një nga talentet më premtues të futbollit evropian.
Shpejtësia, driblimet dhe vendosmëria në momentet kyçe e kanë kthyer në objektiv të klubeve të mëdha.
Manchester City, nga ana tjetër, nuk dëshiron ta humbasë lojtarin, me Pep Guardiolën që e sheh si pjesë kyçe të projektit të tij.
Megjithatë, presioni i Tottenhamit tregon se londinezët janë të vendosur të bëjnë një hap të madh për të konkurruar seriozisht në Premier League dhe në garat evropiane.
●●●
BSHKRIMI NGA
BM
Editorial nga Klan Kosova — ndjek sport dhe zhvillimet e tjera kryesore të vendit.
