Tottenham ka vendosur të ndërpresë bashkëpunimin me trajnerin Thomas Frank, pas një periudhe zhgënjyese në Premier League.
Vendimi është marrë mëngjesin e sotëm, ndërsa skuadra londineze ndodhet në vendin e 16-të në tabelë, transmeton Klankosova.tv.
Spurs kanë grumbulluar vetëm 29 pikë pas 26 ndeshjesh, duke u gjendur pranë zonës së rënies nga kategoria. Forma e dobët dhe presioni i madh nga tifozët dhe drejtuesit duket se kanë çuar në largimin e teknikut.
Tashmë vëmendja është zhvendosur te pasuesi i Frank, me drejtuesit e klubit që pritet të nisin menjëherë kontaktet për trajnerin e ri.
Emrat potencialë mbeten për t’u zbuluar, ndërsa objektivi kryesor do të jetë stabilizimi i ekipit dhe shmangia e një sezoni katastrofik.
●●●
AHSHKRIMI NGA
Albina Haxholli
Editorial nga Klan Kosova — ndjek sport dhe zhvillimet e tjera kryesore të vendit.
