Tonali lëndohet ndaj Barcelonës, kombëtarja e Italisë në "ankth"

Italia është në ankth pasi Sandro Tonali doli nga loja i dëmtuar duke mbajtur kofshën e majtë gjatë ndeshjes së Neëcastle United në Ligën e Kampionëve kundër Barcelonës Mesfushori ishte në formacionin titullar për këtë përballje kaotike në Camp Nou, ku Barcelona po fitonte 3-2 në pjesën e parë pas rezultatit 1-1 në ndeshjen e parë në Angli. “Blaugrana” e kishin zgjeruar avantazhin në 4-2 në momentin kur Tonali u detyrua të largohej nga fusha në minutën e 55-të. Ai u rrëzua i dëmtuar dhe mbante anën e kofshës së majtë pas një ndërhyrjeje të fortë pranë vijës fundore, duke u zëvendësuar më pas nga Joe Ëillock. Kjo situatë shkakton shqetësim për trajnerin e Italisë, Gennaro Gattuso, pasi Tonali do të ishte një nga emrat kryesorë për ndeshjen e play-off-it të Kupës së Botës 2026 kundër Ireland së Veriut. Gattuso tashmë është detyruar të humbasë një tjetër lojtar sot, pasi Lazio konfirmoi një dëmtim serioz muskulor për sulmuesin anësor Mattia Zaccagni. Mbetet për t’u parë sa i rëndë është dëmtimi i Tonalit dhe nëse ai do të jetë i gatshëm për rrugëtimin vendimtar të Italisë drejt Kupës së Botës 2026 në ShBA, Kanadë dhe Meksikë./Klankosova.tv