TikTok ka 15 minuta kohë për të luftuar për mbijetesën e tij

Pesëmbëdhjetë minuta. Kaq kohë do të ketë sot TikTok për të bindur një gjykatë federale të apelit që të mos mbështesë një ndalim të mundshëm në ShBA të aplikacionit të tij të mediave sociale, i cili përdoret nga 170 milionë amerikanë. Ato 15 minuta mund të jenë më të rëndësishmet e ekzistencës së TikTok në ShBA, shkruan CNN, transmeton Klankosova.tv. Kompania po lufton për mbijetesë përballë një ligji, të nënshkruar nga presidenti Joe Biden, dispozitat kryesore të të cilit mund të hyjnë në fuqi që në janar.