Lajmet e fundit
ShBA-ja tha më herët se kishte kryer sulme ajrore në dy baza të përdorura nga Garda Revolucionare e Iranit në Siri dhe grupe të lidhura me Iranin në përgjigje të sulmeve të vazhdueshme ndaj personelit ushtarak amerikan në Siri dhe Irak.
Observatori Sirian për të Drejtat e Njeriut (SOHR), një grup monitorues me bazë në Mbretërinë e Bashkuar, ka raportuar se tetë anëtarë të milicive të mbështetur nga Irani u vranë, shumica prej tyre shtetas jo-sirianë, raporton BBC, transmeton Klankosova.tv.
Ai thotë se sulmet shkatërruan një depo armësh në fshat rreth Albu Kamal dhe një platformë lëshimi raketash pranë Mayadin.
SOHR tha gjithashtu se milicitë e mbështetur nga Irani qëlluan me raketa bazat amerikane në fushën e gazit Conoco dhe fushën e naftës al-Omar gjatë natës. Nuk ka pasur raporte të menjëhershme për ndonjë viktimë në SHBA.
