Terzic: Nuk jemi në finale për ta luajtur, por për ta fituar

Trajneri i Borussia Dortmund, Edin Terzic, ka folur në një konferencë për media para finales së Ligës së Kampionëve ndaj Real Madridit.

Terzic, mes tjerash thekson se ekipi i tij në finale ka vetëm një qëllim, transmeton Klankosova.tv.

"Është një finale dhe ne nuk jemi këtu vetëm për ta luajtur, por për ta fituar atë”, u shpreh Terzic.

"Ne kemi besim se do të luajmë një ndeshje të mirë nesër. Ne jemi stërvitur shumë mirë kohët e fundit dhe prandaj jemi ulur këtu, duke pritur me ankth ndeshjen e nesërme”.

Finalja mes Dortmundit dhe Real Madridit do të zhvillohet në “Wembley”, duke nisur nga ora 21:00.