Tërmetet në Venezuelë, dërgohen rreth 140 qen nga e gjithë bota

Zyra e OKB-së për Koordinimin e Çështjeve Humanitare ka thënë se rreth 140 qen kërkimi nga e gjithë bota janë tani në Venezuelë. Por pse qentë janë kaq të dobishëm në zonat e fatkeqësive? Duke folur për SkyNews, Matt Hasdell, nga organizata “Serve On International”, shpjegoi se si të kesh një qen nuhatës ishte një "pasuri e madhe dhe e rrallë" në kërkime. Qentë mund të përdorin shqisën e tyre të fortë të nuhatjes për të zbuluar ata që janë të bllokuar nën rrënoja, raporton SkyNews. Hasdell shton se, megjithëse është e trishtueshme, dërgimi i një qeni në vende ku "mund të jetë më e rrezikshme për një njeri të shkojë është një tjetër pasuri e madhe". Mbretëria e Bashkuar, SHBA-ja, Meksika, Kolumbia dhe Spanja janë ndër vendet që kanë dërguar qen në zonat e prekura.