Teknika të frymëmarrjes që duhet t'i provoni kur ndiheni në ankth

Ankthi është një emocion i karakterizuar nga një gjendje e pakëndshme e cila vështirëson edhe frymëmarrjen. Por në rastet kur ndiheni pa frymë për shkak të ankthit, ka teknika të frymëmarrjes  të cilat mund të lehtësojnë simptomat dhe t'iu bëjnë të ndiheni më mirë. Më poshtë mund të gjeni disa nga këto teknika që kanë efekt në përmirësimin e gjendjes gjatë përjetimit të ankthit: Zgjatni frymën tuaj Kjo teknikë mund të bëhet në çdo pozicion që është i përshtatshëm për ju, duke përfshirë qëndrimin në këmbë, ulur ose shtrirë. Para se të merrni një frymë të madhe, të thellë, provoni të nxirrni një frymëmarrje të plotë në vend. Shtyjeni të gjithë ajrin nga mushkëritë tuaja, pastaj thjesht lini mushkëritë tuaja të bëjnë punën e tyre duke thithur ajër. Për shembull, provoni të merrni ajër për katër sekonda, pastaj nxirrni frymën për gjashtë. Provoni ta bëni këtë për dy deri në pesë minuta. Frymëmarrja e barkut Frymëmarrja nga diafragma mund të ndihmojë në uljen e sasisë së punës që trupi juaj duhet të bëjë për të marrë frymë. Ndërsa për të praktikuar këtë teknikë duhet që të jeni në një pozicion ku ndiheni rehatshëm. Shtrihuni në dysheme ose në shtrat me jastëkë poshtë kokës dhe gjunjëve,ose uluni në një karrige të rehatshme me kokën, qafën dhe shpatullat të relaksuara, dhe gjunjët të përkulur. Pastaj, vendosni një dorë në kafazin e kraharorit dhe një dorë mbi zemrën tënde. Thithni dhe nxirrni frymën përmes hundës, duke vërejtur sesi ose nëse lëvizin stomaku dhe gjoksi ndërsa merrni frymë. Frymëmarrje e barabartë Një formë tjetër e frymëmarrjes që buron nga praktika antike e yoga pranayama është frymëmarrja e barabartë. Kjo do të thotë që po merrni frymë për të njëjtën sasi kohe sa po lironi, transmeton Klan Kosova. Kjo praktikë mund të bëhet në cilindo pozicion por mjafton që të ndiheni rehat. Mbyllni sytë dhe kushtojini vëmendje mënyrës se si normalisht merrni frymë për disa frymëmarrje. Pastaj, ngadalë numëroni 1-2-3-4 ndërsa thithni përmes hundës. Nxirrni frymën për të njëjtën numërim të katër sekondave.