Të ushqyerit shëndetshëm mund të mos jetë edhe aq e shëndetshme

Ajo që mund të duket si mënyra më e shëndetshme për të përmirësuar shëndetin tuaj të përgjithshëm mund të jetë ajo që ju pengon të arrini qëllimet tuaja. "Ushqimi i shëndetshëm ndonjëherë mund të shndërrohet në diçka që nuk është aq e shëndetshme dhe mund t'ju humbë energjinë," ka thënë Yasi Ansari, dietolog i Akademisë së të ushqyerit dhe dietologjisë. Këtu janë disa mënyra se si e ashtuquajtura dietë "e shëndetshme" mund t'ju bëjë të ngadaltë. Shmangia e kalorive "Nëse po përpiqeni të humbni peshë dhe zvogëloni kaloritë tuaja në mënyrë dramatike, kjo mund t'ju lërë pa sasinë e duhur të energjisë ose karburantit që ju nevojitet për të kaluar gjatë ditës," tha Elizabeth DeRobertis, dietologe në spitalin White Plains. Ushqimi siguron energjinë që ju nevojitet për të qëndruar të fokusuar dhe produktiv gjatë gjithë ditës. Dhe megjithëse ndonjëherë njerëzit mendojnë se nëse duan të humbin peshë, ata duhet të hanë sa më pak të jetë e mundur, kjo nuk funksionon për një kohë të gjatë. Të ushqyerit rrallë Të kalosh shumë kohë pa ngrënë gjithashtu mund të të bëjë të ndihesh i lodhur. Nëse dy ose tre orë pas një vakt jeni me energji të ulët, futni një meze të balancuar me fibra dhe proteina, si fruta të freskëta me një grusht arra ose një qese të vogël me edamame. Shmangia e shumë karbohidrateve Jo vetëm që ngrënia e shumë pak karbohidrateve mund t’ju bëjë të ndiheni të lodhur dhe nervozë nga sheqeri i ulët në gjak, por ajo gjithashtu mund të çojë në dehidratim, i cili mund të shkaktojë lodhje Mos hani një dietë të ekuilibruar vegjetariane Ndalimi i proteinave shtazore si pjesë e një diete vegjetariane nuk është aq e shëndetshme, pasi mund të përfundoni me anemi. Mungesa e B12 mund të marrë vite për t'u zhvilluar, andaj nuk duhet t'i mënjanoni ushqimet shtazore si mishin, peshkun, po ashtu as vezët dhe qumështin. Të ngrënit e shumë karbohidrate Edhe karbohidratet e shëndetshme kthehen në sheqer në trup, dhe pankreasi, në përgjigje, prodhon insulinë, për të mbajtur sheqerin në gjak të qëndrueshëm. Nëse dikush ha shumë karbohidrate edhe nëse janë karbohidrate të shëndetshme, si orizi, kafe, fasulet, patatet e ëmbla, makaronat me drithëra, mund të rrisin sheqerin në gjak, dhe sheqeri i lartë i gjakut bën që të ndiheni të lodhur dhe letargjikë. Ushtrimet e tepërta Ushtrimi i tepërt gjithashtu mund t’ju bëjë të ndiheni të lodhur. Gjatë stërvitjes, trupi zakonisht djeg një kombinim të yndyrës dhe karbohidrateve. Nëse nuk hani karbohidrate të mjaftueshme, është më e vështirë të nxisni stërvitjen dhe karbohidratet e ruajtura të trupit, të quajtura glikogjen, nuk furnizohen përsëri.