Të shtëna në Pogradec, plagoset një person i njohur për policinë

Një person ka mbetur i plagosur nga arma e zjarrit në dalje të qytetit të Pogradecit.

Sipas A2 CNN, i plagosur ka mbetur Brian Syzo, transmeton Klankosova.tv. Ende nuk dihen rrethanat e ngjarjes, por sipas raportimeve të A2 CNN, i plagosuri njihet si person që ka konflikte në qytet. Ai është një emër shumë i njohur edhe për policinë e shtetit për shkak të një sërë veprash penale dhe konfliktesh në të cilat ka qenë i përfshirë.