Të shtëna armësh në Prishtinë, nuk ka të lënduar

Mbrëmjen e sotme në Prishtinë, në afërsi të një pompe derivatesh, ka pasur të shtëna armësh. Lidhur me rastin, policia bën me dije se nuk ka persona të lënduar, njofton Klankosova.tv. Ndërkaq njëri nga personat e përfshirë në ngjarje, është siguruar nga ana e policisë. Rastin për klankosova.tv, e ka konfirmuar zëdhënësja e policisë për rajonin e Prishtinës, Flora Ahmeti. “Sot rreth orës 19:30, kemi marrë informatën për të shtëna me armë zjarri në afërsi të një pompe derivatesh, në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme. Bazuar në të dhënat e deritanishme në këtë rast nuk ka ndonjë person të lënduar. Hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit, ndërkohë që prezenca e njërit prej personave të përfshirë në rast është siguruar nga ana e policisë”, tha Ahmeti.