Të rinjtë ferizajas ndihmojnë të moshuarit, dhurata që ua bënë është tejet simpatike

Të moshuarit e qytetit të Ferizajt, tash e tutje mund të kenë edhe më shumë arsye për ta vizituar qendrën e pensionistëve në qytetin e tyre. Ambienti ku ata e kalojnë pjesën më të madhe të ditës, është pajisur me tabela shahu në mënyrë që koha që e kalojnë së bashku të jetë edhe më kualitative. Dhe tabelat e shahut të dhuruara për ta, kanë ardhur nga klubi i të rinjve vullnetarë “Change With Us” të cilët projektin e tyre që është i treti me radhë, e kanë titulluar “Për gjyshërit tanë”. “Të kujdesemi për të moshuarit tanë që dikur u kujdesën për ne dhe të kujdesemi për fëmijët tanë që janë shtylla e së ardhmes, ishte parimi i projektit tonë të radhës. Klubi i të rinjve vullnetarë, “Change With Us” në Ferizaj, implementoi sot projektin “Për gjyshërit dhe fëmijët tanë". Shoqata e pensionistëve dhe invalidëve të punës sot u pajis me tavolina dhe karrige të reja shahu. Klubi vizitoi dje këtë komunitet ku kaluan një paradite të këndshme me të moshuarit ku mësuam edhe lëvizje të reja shahu”, thuhet në njoftimin e grupit të të rinjve, të cilën s’e kanë lënë me kaq. Vullnetarët e Ferizajt kanë dhuruar edhe ulëse kreative nga materiale të ricikluara për fëmijët në shkollën fillore “Arsim Rexhepi” në Papaz, karrige këto të cilat do të shërbejnë për aktivitetet rekreative të fëmijëve. Të gjitha projektet e derimëtashme të këtij grupi, janë financuar nga GIZ-i gjerman dhe organizata “World Vision”, ndërsa ky është projekti i tretë me radhë nga këta të rinj./Prive.al NË LINKUN MË POSHTË MUND TË KUPTONI NË DETAJE PROJEKTET PARAPRAKE TË KËTYRE TË RINJVE: https://klankosova.tv/ferizaj-behet-me-shporta-artistike-per-hedhjen-e-mbeturinave/?fbclid=IwAR1dZg2IQxWYX8txH4KrICaUIEXjvu5pWLcKiuGWE-C4lriGWb7dEOm4Cvs https://klankosova.tv/te-rinjte-ferizajas-synojne-rritjen-e-vetedijes-per-ndotjen-e-ajrit-tash-e-tutje-ferizaj-mund-te-behet-qyteti-i-bicikletave/?fbclid=IwAR2j1TaDCuw9kzgXkE1qqyWErRFzgsddKf67wY73YeJYSxcwxLm2I0OZldI