Të rinjtë e Prishtinës mysafir në ASISTIN 468 zbulojnë shumë gjëra rreth Ligës Ballkanike dhe skuadrës

Sonte nga ora 21 në Art Sport 1 dhe dhjetë  minuta pasmesnate në Klan Kosova, në kuadër të episodit 468 të ASISTIT, emisionit të parë dhe të vetëm ekskluziv për basketboll adhuruesit e këtij sporti mund të shikojnë shumë tema ekskluzive dhe të veçanta E hëna basketbollistike në ASISTIN 468 do të jetë super e pasur. Natyrisht edhe sonte ASISTI sjell tregimin, raportin dhe aksionin e Sigal Prishtinës në Ligën Ballkanike ku kryeqytetasit arritën fitoren e parë duke mposhtur Beroen me rezultatin 83:61. Këtë herë të ftuar për bisedë në studio janë lojtarët e rinjë prishtinas: Don Polloshka, Muhamedali Janjeva, Meriton Ismaili dhe ndihmës trajneri, Andin Rashica të cilët do zbulojnë shumë gjëra nga ky kompeticion, por edhe në përgjithësi ky sezon i ri i tyre. Pjesa qendrore i dedikohet komplet aksionit të xhiros 8 të Artmotion Superligës i cili solli super ndeshjen, Bashkimi – Peja e cila u fitua ngushtë 85:83 nga prizrenasit teksa poashtu në ASIST mund të ndiçni edhe raportin, intervistat dhe gjithçka tjetër nga dueli tjetër i zjarrtë mes Golden Eagle Yllit dhe Pejës, e cila ishte përsëritje e finales së edicionit të kaluar në Artmotion Superligë dhe Ligë Unike teksa rezultati i saj vlen për të dyja kompeticionet.  Ndeshja ishte dramatike pasi shkoi në dy vazhdime teksa pati edhe shumë tensione dhe gjëra interesante që të përmbledhura mund t’i ndiçni padyshim në emisionin e parë dhe të vetëm ekskluziv për basketbollin në vendin tonë. Në ASISTIN 468 do të shikoni edhe analizën e xhiros së tretë të Superligës së Femrave dhe derbin Prishtina – Bashkimi si dhe lajmet nga Liga e Parë e Meshkujve. Blloku special Shqiptarët në Botë sërish vjen me lajme për basketbollistët tanë në arenën ndërkombëtare e më pas vazhdojmë me analizën dhe raportet e ABA dhe Euroleagues. Ajka vjen në fund, java e dytë e NBA 2022 me përmbledhjen javore dhe lajmet më interesante për gjithë atë që ka ndodhur në ndeshjet e nxehta që u zhvilluan në ditët që lamë pas. Gjitha këto dhe shumë më tepër  nën moderimin e Agon Fehmiut dhe Ulpiana Emrës me fillim nga ora 21:00  në Art Sport 1 dhe 10 minuta pas mesnatës mund në Klan Kosova, ju sjell ASISTI 468.