Të premten do të luhet ndeshja e barazhit, a do të hyjë në Superligë Dukagjini apo do të mbetet Trepça 89-të?

Ndeshja e barazhit ndërmjet Trepçës 89-të dhe Dukagjinit, do të zhvillohet të premten me datë 28 maj në orën 16:00 në stadiumin “Fadil Vokrri". Ky takim do ta përcaktojë se cila prej këtyre dy skuadrave do të jetë pjesë e Superligës në edicionin e ardhshëm. Skuadra e Dukagjinit e mbylli edicionin në pozitën e dytë në Grupin A të Ligës së Parë, derisa më pas e fitoi ndeshjen e barazhit të kësaj lige ndaj Flamurtarit, duke e fituar të drejtën që rikthimin në elitë ta kërkojë nëpërmjet ndeshjes së barazhit me skuadrën që kampionatin në Superligë e mbylli në pozitën e tetë. E në këtë pozitë pas ndeshjeve të javës së fundit të elitës përfundoi Trepça-89, njofton Federata e Futbollit të Kosovës përcjell Klan Kosova.